ԱՅՆԹԱՊԻ ԹԻՎ 2  ԴՊՐՈՑԻ  ԲՆԱՍԵՐՆԵՐԻ ԽՄԲԱԿԸ այս անգամ ուղևորվեց դեպի Գեղարքունիքի մարզի Կալավան գյուղ` ԹԱՅՄ ԼԵՆԴ  գիտաուսումնական հիմնադրամի կողմից կազմակերպած երկօրյա վրանային հրաշալի ծրագրին մասնակցելու համար, ինչպես ամեն անգամ` այս անգամ ևս  հարստացնելու հմտությունների և գիտելիքների պաշարը: Ծրագիրն իրենից ներկայացնում է   քարեդարյան նախամարդու կյանքը և կենսակերպը` հիմնված հնագիտական ուսումնասիրությունների արդյունքների վրա: Այստեղ այցելուները հնարավորություն են ունենում  տեսնելու այն ամենը, ինչը տեղի է  ունեցել հարյուր հազարավոր տարիներ առաջ:  Այցելուները կարող են  կացարաններ կառուցել, կրակ ստանալ, աշխատանքային գործիքներ պատրաստել և փորձել ապրել նախամարդու կյանքով: Ծրագրում ներառված են հնագիտական, երկրաբանական, պատմական, բնապահպանական,կենդանաբանական և այլ գիտական  ոլորտներ: Մեր միջոցառման տպավորությունները փորձենք փոխանցել նկարների միջոցով:

... Շարունակել »

Արդեն երկրորդ տարին է, ինչ Այնթապի Բյուզանդ Մարգարյանի անվան № 2 միջնակարգ դպրոցի «Բնասերներ» խմբակը (ուսուցիչ` Նարինե Փիլոյան) մասնակցում է Գերմանիայի միջազգային  համագործակցության ընկերության   (ԳՄՀԿ, GIZ), «Կենսաբազմազանության կայուն կառավարում» ծրագրի  կողմից կազմակերպած մրցույթին և երկու տարի անընդմեջ հայտնվում է հաղթողների շարքում:

 Նախորդ տարի մասնակցել ենք «Թափոնների կառավարում, նվազեցրո՛ւ, վերաօգտագործի՛ր, վերամշակի՛ր» խորագրով մրցույթին: Պլաստիկ շշերից պատրաստել էինք  ոռոգման համակարգ և ճանաչվել հաղթող:

 Այս տարի մասնակցել ենք «Հայաստանի վտանգված տեսակները. Բացահայտի՛ր, դիտարկի՛ր, վերլուծի՛ր» խորագրով մրցույթին , որի շրջանակներում ևս հաղթող ենք ճանաչվել:

2014 թ. Այնթապի № 2 միջնակարգ դպրոցի «Բնասերներ» խմբակ

... Շարունակել »

 Նոր նկարներ մեր  Ֆոտոալբոմում  

Մեր դպրոցում տեղադրվեց մի ուսուցման համակարգ, որը հնարավորություն է տալիս թե աշակերտներին և թե ուսուցիչներին առավել մանրամասն ուսումնասիրել համակարգիչը և նրա առավելությունները ուսումնադաստիրակչական գործնթացում, որի համար մենք մեր երախտագիտությունն ենք հայտնում Ուսում տեսադասընթացի հեղինակներին և մասնավորապես Խաչիկ Շարոյանին: