Վիճակագրություն
Ընդամենը օնլայն: 1 Հյուրեր: 1 օգտագործողներ: 0
|
Գլխավոր » 2010 » Ապրիլ » 6 » Դրվագներ Այնթապում կազմակերպված ինքնապաշտպանական մարտերից
2:48 PM Դրվագներ Այնթապում կազմակերպված ինքնապաշտպանական մարտերից |
1920 թվականի ապրիլի մեկին,ժամանակակից զենքերով զինված թուրքերը շուկայում
անակնկալորեն հարձակվեցին հայերի վրա և սպանեցին ու վիրավորեցին նրանց
առանց տարիքի և սեռի խտրականության: Ընդհանուր ջարդը անխուսափելի էր, եթե
անհրաժեշտ կարգադրությունները նախօրոք եղած չլինեին:Դեպքը սկսած օրն իսկ,
թաղերը և փողոցները
փակվեցին պատնեշներով, պատրաստված ծրագրի համաձայն: Իրենց հայրերի,
ամուսինների և զավակների կողքին` հայ կանայք, դեռատի տղաներն ու մատղաշ
աղջիկները քար ու ջուր էին կրում պատնեշների շինության աշխատանքի համար:
Այնթապցի կնոջ անձնվիրությունը հայ ժողովրդի պատմության պատվաբեր էջերից
մեկն է կազմում:
Ճակատագրական եղան կռվի առաջին ութ օրերը : Թուրքերը մեծ ուժերով
հարձակվեցին բազմաթիվ անգամներ: Սակայն բախվելով հայ մարտիկների բուռն
ընդդիմությանը` փախուստի դիմեցին մեծ կորուստներով:
Մեր հակահարձակումները սակայն, առաջին իսկ գրոհից պսակվեցին
հաջողություններով, որովհետև <<Մահ կամ Ազատություն>>
նշանաբառով ճակատ իջնող ու զենք վերցնող այնթապցի հայը արհամարեց մահը և
ուխտեց իր արյան գնով փրկել հայի պատիվը: Անկարելի էր չհիանալ այնթապցի հայ
կտրիճների քաջությամբ և կորովով: Այդ ութ օրվա ընթացքում մեր կորյունները
գրավեցին կարևոր դիրքեր նահանջի մատնելով թշնամուն:
Կայծակնային հաջողությունների առաջին շրջանում սահմռկած թուրքերը դիմեցին
նենգամտության: Իրենց կրկնակի դիմումների հիման վրա հաշտության
բանակցություններ սկսվեցին: Սակայն թուրքը թուրք է նենգամիտ և խարդախ:
Քանի-քանի անգամ համաձայնության եկան, բայց իրենք իսկ դրժեցին հաշտության
պայմանները:
Կռիվների զարգացման երկրորդ շրջանը ապրիլի 8 ից-13-ը սկսվեց թուրքերի նոր
հարձակումներով:Շեյխ մզկիթի կողմից նրանք թարմ ուժեր իջեցրին ճակատ, <<Մահ կամ Ազատություն>> էին գոռում մեր զինվորները և գերազանց անձնվիրությամբ նետվում կրակի մեջ: Ապրիլի 12-ին թուրքերը ստիպված եղան լքել այդ մզկիթը ու նահանջել:
Մեր զինվորների բարոյական ուժն ու կորովը հիանալի էին և ժողովրդի ուրախությունը աննկարագրելի:
Հայ մարտիկների երկու շաբաթվա այս անհավասար այլ հաղթական մարտնչումներից հետո, կատարելապես բարոյալքվել էին թուրքերը:
Ապրիլի 16-ին կռիվները ստացան նոր երևույթ, մինչ այդ կրավորական դիրք որդեգրած ֆրանսիական ուժերի մասնակցությամբ: Գնդապետ Նորման իր բանակով մտավ Այնթապ:
Մինչ այդ թշնամուն բարոյալքող հայ քաջերը ֆրանսիական ուժերի օժանդակությունը ստացան: Հաղթանակներից մեծագույնը, սակայն, մեր քաջերը ձեռք բերեցին ապրիլի 23-ին: Գրավվեցին հինգ մզկիթներ, որոնք կարճ ժամանակի ընթացքում վերածվեցին զորանոցների:
Այնթապցիների պաշտպանության գիծը մոտավորապես 5 քառակուսի կիլոմետր էր: Եվ այս Ճակատը պաշտպանելու համար ունեին միայն 300 հրացան: Մինչդեռ թշնամին իր տրամադրության տակ ուներ առատ ռազմամթերք:
Թուրքերը սպառնում էին և պահանջում, որ այնթապցիները անձնատուր լինեին
առանց պայմանի: Կենսամթերքի պակասն ու սովի հավանականությունը, մյուս
կողմից, կացությունը դարձրին լրջորեն վտանգավոր: Սակայն Այնթապի
հայությունը չտկարացավ երբեք չնահանջեց:
Մայիսի 15-25-ը ռազմաճակատի ամբողջ երկայնքով թուլացավ կռիվների թափը:
Մինչև հունիսի 8-ը ինքնասպանության գործը շարունակվեց գաղտնի կերպով:
Հունիսի 8-ին ֆրանսիացիները գործադրեցին զինադադարի իրենց
հանձնառությունը,բայց հայ կորյունները կառչած մնացին իրենց դիրքերին:
Գնդապետ Ապատին նույն օրը հայտարարեց Ազգային Միությանը, թե կտրուկ հրահանգ
է ստացել Այնթապից հեռանալու և թե անկարելի է իր համար որևէ ձևով օգնել
հայերին, հակառակ իր ցանկության: Հանձնարարված էր համաձայնել թուրքերի հետ
խաղաղությամբ ապրել նրանց կողքին` որպես հավատարիմ քաղաքացիներ թուրքական
պետությանը:
Այնթապի Հերոսամարտը եղավ ինքնապաշտպանության մի կռիվ, որը ոչ միայն
ապացուցեց մեր պատմության ընթացքում բազմաթիվ առիթներով փորձված հայի քաջասրտությունը,այլ հայտնաբերեց նաև նրա փայլուն հատկանիշները: Եվ այդ հայտնաբերումը եղավ մեզ վերագրված թերությունների, և առաջին հերթին` անմիաբանության սխալ վարկածի:
|
|
Կատեգորիա: Այնթապի հերոսամարտ |
Կարդացել են: 1365 |
Ավելացրել է: miqoaper
| Ռեյտինգ: 1.0/1 |
| ընդհանուր հաղորդագրություններ: 0 | |
|
|
|
|
Միայն գրանցված օգտագործողները կարող են թողնել հաղորդագրություն. [ Գրանցում | Մուտք ] |
Օրացույց
| « Ապրիլ 2010 » | | Երկ | Երեք | Չոր | Հին | Ուրբ | Շաբ | Կիր | | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 |
|
| | |
